Eat Guava....:)

పేదోళ్ళ ఆపిల్ లో అన్నీ ఎక్కువే..
దీన్ని కూడా రోజుకి ఒక్కటి తింటే చాలు, డాక్టర్ కి దూరంగా ఉండవచ్చు.

ఒకింత ముగ్గిన జామపండులో పీచు (ఫైబర్) చాలా ఎక్కువ. దాని వల్ల మలబద్దకం తేలిగ్గా తగ్గుతుంది. కేవలం ఈ ఒక్క ప్రయోజనం వల్లనే ఎన్నో వ్యాధులను ముందుగానే నివారించవచ్చు. మామూలుగా విటమిన్-సి కావాలంటే అందరికీ గుర్తొచ్చేవి నిమ్మజాతి పుల్లటి పండ్లు.

కానీ... నారింజలో ఉండే విటమిన్-సి పాళ్ల కంటే జామపొట్టులో ఉండే విటమిన్-సి ఎక్కువ. దీనితో పాటు టొమాటోలో ఉన్నట్లే జామలోనూ లైకోపిన్ పాళ్లు ఎక్కువని యూఎస్ డిపార్ట్‌మెంట్ ఆఫ్ అగ్రికల్చర్ పేర్కొంది. లైకోపిన్ ప్రోస్టేట్ క్యాన్సర్‌తో పాటు అనేక క్యాన్సర్లను నివారిస్తుంది. అదే ప్రయోజనం జామతో కూడా ఉంటుందన్నమాట. అంతేకాదు ఈ లైకోపిన్ ఉన్నందున జామ ఈసోఫేజియల్ క్యాన్సర్, పెద్దపేగు క్యాన్సర్లను కూడా నివారించడంలో దోహదపడుతుంది.

పైగా 100 గ్రాముల జామపండులో 300 మి.గ్రా. కండర నిర్మాణ సామర్థ్యం ఉంటుంది. దీనికి తోడు జామలో పొటాషియమ్ ఎక్కువ కాబట్టి అది రక్తపోటును సమర్థంగా నివారించగలదు.